Boas noites a todos,
Ante as dúbidas e preguntas que están a xurdir polos comentarios dos compañeiros, queremos facer esta nota aclaratoria:
Dende o comité presentáronse varias propostas de calendario/horario como base para chegar a un acordo que fora convinte para os traballadores e, evidentemente, para a empresa.
Unha desas propostas estaba baseada na xornada flexible pero nas primeiras reunións de traballo rexeitouse por parte da empresa por ser, ao seu entender, de imposible aplicación. As outras propostas melloraban un pouco a situación do horario actual: ampliación da xornada intensiva en 8 días hábiles cun horario de 08:00 a 14:30 (no lugar do que tiñamos de sair ás 15:00), adiantar a hora de entrada en 15' e a de saída noutros 15' a cambio, básicamente, dos días 26 e 27 de decembro que foron neste ano obxeto de discusións.
Neste momento de negociación estábamos cando de xeito totalmente inesperado e unilateral a empresa decidiu romper as negociacións.
A única alternativa que ofrece é manter o horario que rexía o ano pasado, sen ningunha modificación.
Ante esta situación, soio podemos tomar dúas posicións:
asinar o calendario que a empresa impón e continuar como até de agora ou ben, non asinalo e arriscar a que o calendario que rixa sexa o asinado por sindicatos/patronal que podería supoñer a perda das melloras sobre o calendario do convenio. (básicamente xornada intensiva e venres tarde).
Antes de tomar unha decisión gustarianos coñecer a opinión de todos vós.
Un saúdo,
"entre todos faremos un entorno de traballo eficiente e de máis calidade."
